Guest
У 1991 годзе Зянон Пазьняк узначальваў парлямэнцкую апазыцыю БНФ у Вярхоўным Савеце. Менавіта пасьля яго прамовы 25 жніўня 247 дэпутатаў прагаласавалі за тое, каб надаць Дэклярацыі аб дзяржаўным сувэрэнітэце статус канстытуцыйнага закону. Такім чынам было юрыдычна замацавана змаганьне нацыі за незалежнасьць. Сёлета Зянону Пазьняку споўнілася 75 гадоў, 23 зь іх – іміграцыя, жыцьцё паміж Ню-Ёркам і Варшавай. Пазьняк кажа, што як і ў 1994 годзе гатовы кіраваць Беларусьсю і лічыць, што яго найважнейшыя палітычныя дасягненьні ў будучыні, а не ў мінулым.
