Хачу жыць у Беларусі, якую паказалі гэтым відэа!

Хачу жыць у Беларусі, якую паказалі ў гэтым відэа! У Беларусі з прыгожай і незвычайнай прыродай, шчырымі, добрымі і гасціннымі людзьмі, гістарычнымі комплексамі, якія ўражваюць, сучаснымі будынкамі і ўтульнымі гатэлямі, куды прыязжаюць людзі з усіх куткоў свету, у краіну, дзе перапляліся традыцыі і сучаснасць, новыя тэхналогіі і розум, парадак і ініцыятыва. І хачу, каб хутчэй знікла Беларусь са штодзённымі затрыманнямі, хлуснёй з тэлеэкранаў, запужваннем звычайных людзей, неадэкватнымі ўказамі чыноўнікаў і вар'яцкімі загадамі кіраўнікоў, дзе міліцыя б'е і не любіць, затрымлівае і не тлумачыць, абвінавачвае і не слухае. Беларусь стане іншай, такой як у гэтым відэа! Трэба проста перастаць маўчаць, баяцца і чакаць! Трэба рабіць!