Guest
На хвали́тех стихи́ры новому́чеников, глас 8. Подо́бен: О, пресла́внаго чудесе́: О, пресла́внаго чудесе́!/ В после́дняя времена́ возсиява́ют му́ченицы/ и пре́лести мрак отгоня́ют,/ ве́ра христиа́нская ны́не возвыша́ется/ и па́дает нече́стие,/ ра́дуются ве́рнии/ и пра́здник новоявле́нным составля́ют,/ вопию́ще Христу́ Бо́гу:// му́чеников похвала́ и побе́да Ты еси́, Всеси́льне. Творе́ние святи́теля Афана́сия Ковро́вскаго: Ве́ры броня́ми,/ и щито́м благода́ти,/ и креста́ копие́м вооружи́вшеся,/ сопроти́вным си́лам непобеди́ми бы́сте/ и, я́ко Боже́ственнии храбо́рницы,/ де́монская ополче́ния победи́вше,/ со А́нгелы лику́ете,/ ве́рныя же заступа́ете, и освяща́ете,// и спаса́ете, призыва́емии. На стихо́вне стихи́ра. И ны́не, Богоро́дичен, глас 8. Подо́бен: О, пресла́внаго чудесе́: О, пресла́внаго чудесе́!/ Небесе́ и земли́ Цари́ца,/ от святы́х сро́дников на́ших умоля́емая,/ до ны́не зе́млю Ру́сскую покрыва́ет/ и ли́ка Своего́ изображе́нии ми́лостивно обогаща́ет./ О Влады́чице Держа́вная!/ Не преста́ни и на бу́дущее вре́мя/ во утвержде́ние на Руси́ Правосла́вия// ми́лости и чудеса́ излива́ти до ве́ка. Ами́нь. Исполняет Сергей Хохряков. В фильме показаны клейма иконы “Собор Новомучеников и Исповедников Российских за Христа пострадавших явленных и неявленных“. Около 2000 года. Дорогие друзья! Подписывайтесь на наш телеграмм канал. Читайте тексты, скачивайте ноты к видео. Ссылка Вы можете поддержать развитие нашего канала
