Guest
8 тамызда Нұр-Сұлтан іргесіндегі Талапкер ауылында биыл ақпанда полиция тергеу изоляторында жұмбақ жағдайда қайтыс болған белсенді Дулат Ағаділдің асы өтті. Оның үйінің айналасын полиция жасақтары мен автобустары қоршап тұрды. Бірақ ешкімді ұстамады, ешкімге тиіспеді. Интернет желісі қалаға дейін сөндіріліп тасталды. Жиналғандар елдегі әлеуметтік жағдай, жемқорлық және биліктің адам құқығын бұзуы жайлы пікір алмасып, жүйені өзгертуді қалайтынын айтты. Астан соң олар марқұмның зиратына барып құран бағыштады.
