Guest
ТЫВА ДЫЛ Төрээн дылынга арыг чугааланып билири дээрге бодун, төрээн чонун болгаш Тыва чуртун дээди чадага хүндүлеп билири ол. Төрээн дылын билбес кижи төрээн чонунуң культуразындан хоорук болур. Авазының аа сүдүн ээп өскен төлге иезиниң дылындан өске төрээн дыл турбас. Дыл чидер болза, нация чидер, а нация чидер болза, дыл база кады чиде бээр. Төрээн дыл-биле чергелештир чеже-даа дылды өөренип, шиңгээдип ап болур. Төрээн дылын эки билир кижиге өске дылдарны өөренип алыры чиик болуру магатчок. Ол чүгле кижиниң хууда сайзыралын, угаан-медерелин байлакшыдар боордан башка, кандыг-даа хор-хора чок. Төрээн дылын арыг билири дээрге-ле национал культураның онзагай туружун быжыглаары, национал бот-медерелин ханыладыры, төөгүге, чаагай ёзу-чаңчылдарга, чер-чуртка, чонунга ханы ынакшылының илерээшкини болур.
