Мекенди коргоо кнн карата Бишкекте ардагерлер сыйланды

Бишкекте Мекенди коргоочулар күнүнө карата майрамдык концерт өттү. Иш-чара “Сейтек“ борборунда белгиленип, ага ардагерлер, Ленинград блокадачылары жана “согуштун балдары” да чакырылган. Аларга Биринчи Май райондук акимчилигинин өкүлдөрү сый көрсөттү. Айрым конокторго “Мекендештер союзу” коомдук бирикмесинин жана Республикалык ардагерлер кеңешинин ыраазылык каттары жана медалдары тапшырылган. Концертке Коргоо министрлигинин оркестри, акындар, артисттер, бий ансамблдери, ошондой эле Кыргыз-Россия Славян университетинин жана Кыргыз авиация институтунун студенттери катышты. Иш-чараны Республикалык ардагерлер кеңешинин төрагасынын кеңешчиси Ольга Щербовских уюштурган.