Кантта россиялык авиабазанын 20 жылдыгы белгиленди

Кантта россиялык авиабазанын түптөлүшүнүн 20 жылдыгына арналган салтанаттуу иш-чара өттү. Россиянын Кыргызстандагы элчиси Николай Удовиченко аскер кызматкерлерин куттуктап, 10 жоокерге түрдүү даражадагы сыйлыктарды тапшырды “Россиянын “Кант“ авиабазасындагы аскер кызматкерлери алдына коюлган тапшырмаларды ийгиликтүү аткарып, кыргызстандык кесиптештерине экстремизм, терроризм, баңги жана уюшкан кылмыштуулук менен күрөшүүдө жардам берүүдө“, — деди Россиянын элчилигинен. Буга чейин Кыргызстандын президенти Садыр Жапаров авиабаза убагында, зарыл учурда ачылганын белгилеген. Ал эми Россиянын лидери Владимир Путин Кыргызстандын коопсуздугун коргоодо жана ЖККУну авиациялык жактан колдоодо авиабазанын ролу чоң экенин айткан. Sputnik Кыргызстан редакциясы “Кант“ авиабазасынын түптөлүү тарыхы чагылдырылган материал даярдады.