Guest
Дьиэ кэргэн – судаарыстыба тирэҕинэн буолар. Иллээх, бигэ туруктаах, чөл олохтоох дьиэ кэргэнтэн кэскиллээх ыччат иитиллэн тахсар. Биир маннык үтүө холобур буолар, элбэх оҕолоох, приемнай дьиэ кэргэн, Васильевтар, Ньурба улууһун уһук сытар Хатыы нэһилиэгэр олороллор. Ирина уонна Алексей Васильевтар төрөппүт оҕолоруттан ураты, уопсайа 9 оҕону ииттэ ылбыттар, бүгүҥҥү күннэ бу улахан дьиэ кэргэҥҥэ 10 оҕо тэҥҥэ, иллээхтик-эйэлээхтик, бүөбэйдэнэн иитиллэр-такайыллар. Кыыс уол диэн арахсыбакка, убай, эдьий, балыс быһыытынан бэйэ-бэйэҕэ көмөлүсүһэн, үөрэҕи да үлэни да тэҥҥэ өрө тутан үмүрэтэллэр. Оҕолор хас биирдиилэрэ сөбүлүүр тус-туспа дьарыктаахтар. Элбэх оҕолоох тыа сирин ыала күннээҕи түбүгэ үгүс. Хаһаайыстыба үлэтигэр бары биир киһи курдук саба түһэн, үөрэ-көтө күргүөмүнэн үлэлииллэр. Дьиэ ис-тас үлэтигэр оҕолору батыһыннара сылдьан, төрөппүттэр бэйэлэрин үтүө холобурдарынан такайан иитэллэр.
