Guest
Интернетте жылдызы жанып, элдин сүймөнчүлүгүнө айланган Бегимай Турусбекова Sputnik Кыргызстан маалымат агенттигине маек куруп, азыркы пландары менен бөлүштү. Анын айтымында, иш-чараларга, тойлорго, интервьюга жана башка сунуштар менен чакыргандар көбөйүп жатат. Ошондой эле продюсер жана менеджерлерден иштешүүгө сунуш түшүүдө. Бирок “алданып калбайын“ деп кооптонуп, алар боюнча ойлонуп жатканын айтты. Мындан сырткары, өзүнө ыр жаздырып, күзүндө сынакка катышууну пландап жатканын, ал эми келечекте дүйнө жылдыздары менен бир сахнада дуэт аткаруу кыялы бар экенин билдирди. Белгилей кетсек, Турусбекова Бишкектин “Ынтымак“ паркында дүйнөлүк хит ырларды аткарган видеосу соцтармакка тарап, заматта жылдызга айланган.
