Дегбес боо

Делегейниң чогаалчылар хүнү – март 3-те “Тыва үндезин культура төвүнге” билдингир журналист, шүлүкчү, публицист, Россияның чогаалчылар эвилелиниң кежигүнү Лидия Иргиттиң «Дегбес боо» деп чаа үнген номунуң доюн байырлыг байдалга демдеглеп эрттирген. Ук хемчегге Тыва Республиканың чогаалчылар эвилелиниң кежигүннери, тыва дылдың күрүне инспектору С. С. Товуу, Тываның ном үндүрер чериниң төлээлери, Кызылдың 9 дугаар школа-гимназиязының башкылары, Тываның херээженнер эвилелиниң кежигүннери болгаш оон-даа өске чалаткан аалчылар, чечен чогаалды сонуургап чоруурлар киришкен. «Дегбес боонуң» баштайгы номчукчулары болгаш чогаал шинчилекчилери ооң утка-шынарынга үнелелди берип, Лидия Иргиттиң амыдыралдың болуушкуннарын тыва чогаал делегейинге бир янзы сатириктиг көрүш-биле дамчытканын онзагайлап демдеглээннер.