Guest
Верш Сяргея Новіка-Пяюна «Над калыскай» для конкурсу «Вымаўляты» чытае дзяўчынка з Барысава Мар’яна Гікс, 5 гадоў. Вымаўляты — гэта дзеці, якія ведаюць на памяць вершы па-беларуску, гучна і эмацыйна дэкламуюць іх не толькі сваім родным, а разам з бацькамі могуць зняць відэа і прадэманстраваць свае здольнасці шырокаму колу людзей. Усе конкурсныя відэа можна паглядзець тут: Сяргей Новік-Пяюн «Над калыскай» Запаліла ночка Зорныя агні. Спі, мая дачушка, Любая, засні. Над тваёй калыскай Буду я спяваць, Пра ката і мышку Казачку казаць. Вунь высока зорачка Золатам блішчыць, А мая дачушка Штосьці ўсё не спіць. З-за хмурынкі месячык Беленькі ідзе, За сабою зорачак Карагод вядзе.
