Guest
Традыцыйнае шчадраванне з “Конікам“ у Давыд-гарадку завяршаецца агульным гуляннем на гарадской плошчы. На святкаванне ў цэнтры горада зьбягаюцца дзесяткі гуртоў “конікаў“, якія да гэтага щадравалі па сядзібах гарадчукоў, прыходзяць цэлымі сем'ямі гараджане, прыязджаюць госці з іншых мясцін Беларусі, а бывае і замежжа. Традыцыі шчадравання “Конікі“ ў Давыд-Гарадку ў 2020 годзе нададзены статус нематэрыяльнай гісторыка-культурнай каштоўнасці Галоўны крытэрый надання статусу нематэрыяльным праявам творчасці чалавека - гэта ўсведамленне каштоўнасці з'явы, найперш, удзельнікамі той супольнасці, якія яе практыкуюць, шчодра дзеляцца ёй з наваколлем і сваім прыкладам натхняюць нашчадкаў працягваць яе. Гарадчукі любяць сваіх “конікаў“ і таму ў іх няма недахопу ў пераемніках. Ніводзін відэасюжэт не здольны ахапіць усю разнастайнасць карнавальных вобразаў, багацце фантазіі і творчасці ў падрыхтоўцы масак і касцюмаў, натхненне ўдзел
