Guest
«Еhо заншалаа удхалан hэргээе» гэhэн манай номой санай түhөө түсэбнай бэелүүлэгдэhээр. Энэ удаа буряад арадайнгаа хэр угhаа абажа, хоолложо, ажамидаржа байгаа эдеэнэй дээжэ сагаан эдеэн тухай тодорхойгоор хөөрэхэмнай. Элинсэг хулинсагайнгаа бүхэли наhаараа нангинаар абажа, үеhөө үедэ наринаар дамжуулжа байгаа сагаан эдеэ буйлуулан бэлдэдэг, эдеэшэг гартай, хүндэтэй эгэшэнэртэ Сагаалганай мэндээ мэдүүлэн, шадаха шадабаритайнь хубаалдалсахаа, ургажа ябаhан залуушуулда жэшээ, заабари болгохо зорилго баримталан энэ хуудаhаяа бэлдэбэбди. Үни холын урда сагhаа нүүдэл байдалтай буряадууд жэлэй дүүрбэн сагта өөрын гараар бэлдэhэн хоолтой, бэе махабадта туhатай, тоhолиг эдеэтэй байжа, үбшэ хамшаггүй, тэнхээ тамир hайтай байдаг байhан. Олон жэлэй туршада багшын ажалда бэеэ зорюулhан, буряадайнгаа еhо заншал, гурим, заабаринуудые эрхимээр мэдэхэ Уржин Цыреновна Оротова сагаан эдеэнэй янза, тэдэниие хайшан гээд буйлуулхаб гэжэ тодорхойлно. Мэдээсэлэй таhагай мэргэжэлтэн С.Б.Дамдинжапова
