Guest
Неделя 27-я по Пятидесятнице. Неделя святых праотец. Глас вторый. Рождественский пост. Разрешается рыба Прор. Аггея (500 г. до Р. Х.). Сщмч. Владимира пресвитера (1918). Сщмчч. Аркадия, еп. Бежецкого, Илии, Павла, Феодосия, Владимира, Александра, Петра пресвитеров, прмч. Макария (1937). Прп. Софии (Соломонии), монахини, супруги вел. кн. Василия III (1542). Мч. Марина Римского (III). Блж. царицы Феофании (893-894). Собор Кольских святых. Свт. Мемнона, архиеп. Ефесского. Свт. Николая Хрисоверга, патр. Константинопольского. Свт. Модеста, архиеп. Иерусалимского (Греч.). Мчч. Прома и Илариона (Греч.). Чтения дня Луки 24:12-35 (на утрене. Евангелие 5-e) Колоссянам 3:4-11 (недели 29-й) Луки 14:16-24 (недели 28-й) Тропари Тропарь воскресный, глас 2. Егда́ снизше́л е́си к сме́рти, Животе́ Безсме́ртный,/ тогда́ ад умертви́л е́си блиста́нием Боже́ства:/ егда́ же и уме́ршия от преиспо́дних воскреси́л еси́,/ вся Си́лы Небе́сныя взыва́ху:/ Жизнода́вче, Христе́ Бо́же наш, сла́ва Тебе́. Богородичен, глас тойже. Вся па́че смы́сла,/ Вся пресла́вная Твоя́, Богоро́дице, та́инства,/ чистоте́ запеча́танной, и де́вству храни́му,/ Ма́ти позна́лася еси́ нело́жна,/ Бо́га ро́ждши И́стиннаго;/ Того́ моли́ спасти́ся душа́м на́шим. Кондак, глас тойже. Воскре́сл еси́ от гро́ба, Всеси́льне Спа́се,/ и ад ви́дев чу́до, ужасе́ся,/ и ме́ртвии воста́ша;/ тварь же ви́дящи сра́дуется Тебе́,/ и Ада́м свесели́тся,/ и мир, Спа́се мой, воспева́ет Тя при́сно. Неделя святых праотец. Тропарь, глас 2. Ве́рою пра́отцы оправда́л еси́,/ от язы́к те́ми предобручи́вый Це́рковь:/ хва́лятся в сла́ве святи́и,/ я́ко от се́мене их е́сть Пло́д благосла́вен,/ без се́мене Ро́ждшая Тя./ Тех моли́твами, Христе́ Бо́же, поми́луй нас. Кондак, глас 6. Рукопи́саннаго о́браза не поче́тше,/ но Неопи́санным Существо́м защити́вшеся, треблаже́ннии,/ в по́двизе огня́ просла́вистеся,/ среде́ же пла́мене нестерпи́маго стоя́ще, Бо́га призва́сте:/ ускори́, о Ще́дрый, и потщи́ся, я́ко Ми́лостив, в по́мощь на́шу,/ я́ко мо́жеши хотя́й. Прп. Софии. Тропарь, глас 4. Вы́шняго красото́ю я́вственно украша́яся,/ по́стническими бо труды́ подвиза́ся преподо́бная Софи́я,/ и бысть насле́дница Небе́сному Ца́рствию,/ и вни́де в Небе́сный Черто́г наслади́тися Христо́вы красоты́,/ Его́ же моли́ спасти́ся гра́ду Су́ждалю/ от пога́ных нахожде́ний и междоусо́бныя бра́ни/ и пода́ждь душа́м на́шим ве́лию ми́лость. Кондак, глас 1. Но́щи стра́стный избе́гши, Богому́драя Софи́е преподо́бная,/ к Незаходи́мому же Со́лнцу, Христу́, прише́дши,/ умертви́ла еси́ плотско́е мудрова́ние посто́м же, воздержа́нием и моли́твами,/ показа́ся равна́ Áнгелом,/ на земли́ бо поживе́ и ду́хи нечи́стыя от челове́к отгна́ла еси́,/ и разли́чная исцеле́ния подава́вши, от мно́гих бед и зол избавляе́ши,/ Софи́е преподо́бная,/ мо́ли спасти́ся душа́м на́шим.
