Неделя о расслабленном.Святая праведная Тавифа

Канон святой праведной Тавифе Иоппийской Припев: Свята́я пра́ведная Тави́фо, моли́ Бо́га о на́с. Память: 23 мая (10 мая ст. ст.); 07 ноября (25 октября ст. ст.) Глас 4. __ Акафист святой праведной Тавифе милостивой Память совершается: 25 октября / 7 ноября и в Неделю о расслабленном __ Тропарь Недели о расслабленном, глас 3. Да веселя́тся Небе́сная,/ да pа́дуются земна́я,/ я́ко сотвоpи́ деpжа́ву/ мы́шцею Свое́ю Госпо́дь,/ попpа́ сме́pтию сме́pть,/ пе́pвенец ме́pтвых бысть;/ из чpе́ва а́дова изба́ви нас,// и подаде́ ми́pови ве́лию ми́лость. __ Кондак Недели о расслабленном, глас 3. Ду́шу мою́, Го́споди, во гресе́х вся́ческих,/ и безме́стными дея́ньми лю́те разсла́блену,/ воздви́гни Боже́ственным Твои́м предста́тельством,/ я́коже и разсла́бленнаго воздви́гл еси́ дре́вле,/ да зову́ Ти спаса́емь:// Ще́дрый, сла́ва, Христе́, держа́ве Твое́й. __ Тропарь праведной Тавифе Иоппийской в Неделю о расслабленном, глас 4. Апо́столом сотаи́ннице, ми́лостивая Тави́фо,/ оби́тели же́нския нача́ло положи́ла еси́/ и бе́дным одея́ние была́ еси́,/ послу́шнице смире́нная,/ сло́ву апо́стола Петра́ повину́вшися,/ из ме́ртвых си́лою Христо́вою возста́ла еси́/ и ны́не на Небесе́х све́тло пра́зднуеши./ Те́мже моли́ Христа́ Бо́га// всем, помина́ющим тя, дарова́ти живо́т ве́чный. __ Кондак праведной Тавифе Иоппийской, глас 8. Первонача́льная Це́рковь ликовству́ет,/ Иоппи́я тобо́ю, Тави́фо, просвеща́ется,/ из ме́ртвых твоему́ воскресе́нию ра́дующися,/ и мы, па́мять твою́ ны́не пра́зднующе,/ сла́вим Победи́теля сме́рти – Христа́ Бо́га,// о́бщаго свята́го Воскресе́ния ча́юще. __ Величание Велича́ем тя,/ святая пра́ведная Тави́фо,/ и чтим свя­ту́ю па́мять твою́,/ ты бо мо́лиши о нас// Христа́ Бо́га на́шего. __ Молитва праведной Тавифе Иоппийской О, пресла́вная учени́це Христо́ва, све́тлая звездо́ Иоппи́йская, свята́я пра́ведная Тави́фо! К тебе́, ны́не на Небесе́х су́щей, с ве́рою притека́ем в моли́тве, ты же, я́ко ми́лостивая в жи́зни свое́й бы́вша, не лиши́ и нас, смире́нных, милосе́рдия твоего́. Принеси́ усе́рдныя моле́ния твоя́ Спаси́телю всех, Христу́ Бо́гу, да да́рует нам, хла́дным, любо́вь, малове́рным – те́плую ве́ру, леня́щимся – ре́вностное трудолю́бие, гордя́щимся – ти́хое смире́ние, иноки́ням – свято́е послуша́ние, нача́льствующим – ра́зум и милосе́рдие, боля́щим – здра́вие и облегче́ние, бе́дным – по́мощь и заступле́ние, уныва́ющим – Бо́жие упова́ние, оби́телям – мир и спасе́ние, лю́дем – во благо́м поспеше́ние, всем в ско́рбех – утеше́ние. Наипа́че моли́ Го́спода на́шего, апо́столом Петро́м тя воскреси́вшаго, да и мы сподо́бимся по о́бщем всех Воскресе́нии ста́ти в Це́ркви Его́ одесну́ю и с тобо́ю сла́вити Отца́, и Сы́на, и Свята́го Ду́ха во ве́ки веко́в. Ами́нь. __ 50 копеек образца 1961 года с изображением космонавта № 1 Юрия Гагарина Shopping on ebay: