Guest
Ертіс-Баян өңірінің бір туар азаматы Қазыбектей асыл ағамыздың үйіне қонаққа бардық. Үйге кіргенімде берекенің лебі жүрегімді баурап ала жөнелді. Осыншама үлкен үйді, жақсылық пен тыныштыққа бөлеп тұрған қандай сыр десем, анау тұрған қоңыр диванның үстінде, кішкентай шөбересін тізесіне қысып, ойнатып отырған қазыналы қарт Төлеутай әжеміз екен ғой. Тарихтан сыр шертіп, әкесінің берген тәрбиесін әңгімелеп, тектіліктен сыр шерткен әжемізді көргенде, Қазақтың әр үйінің төрінде осындай қазыналарымыз отырса ғой деп армандадым. Кетерде алтын құрсақты, асыл әжеміздің батасын алдым. Аллаға шүкір. Үлкендеріміз аман болсын. Тыныш заман болсын.
