Верш Васіль Вітка «Сяброўкі» для конкурсу «Вымаўляты» чытае дзяўчынка з вёскі Мышкавічы Анастасія Рыжковіч, 5 гадоў. Вымаўляты — гэта дзеці, якія ведаюць на памяць вершы па-беларуску, гучна і эмацыйна дэкламуюць іх не толькі сваім родным, а разам з бацькамі могуць зняць відэа і прадэманстраваць свае здольнасці шырокаму колу людзей. Усе конкурсныя відэа можна паглядзець тут: Васіль Вітка «Сяброўкі» Хто там грукае ў акно? Гэта вы, сінічкі? Я прачнулася даўно, Запляла касічкі. Вось надзену кажушок, Выбегу на ганак, З лесвіцы смяту сняжок, Вынесу сняданак. Тут халва і тваражок, Скрылічак каўбаскі, Цёплы з мясам піражок – Ешце, калі ласка. У абед, сінічкі, зноў, Прылятайце смела. Ну, а мне – пара дамоў, Я ж сама не ела.
Hide player controls
Hide resume playing