Guest
Еўрарадыё запускае новы праект пра каханне — палітвязняў і тых, хто чакае іх дома. Шматдзетныя або без дзяцей, дзясяткі гадоў у шлюбе або некалькі месяцаў — нашы героі — людзі рознага полу, узросту, прафесіі, матэрыяльнага становішча. Гэта праект пра каханне, сілу, пераадоленне і надзею ва ўмовах рэжыму. Гэта Love Story у Беларусі 2021 года. Сёння мы раскажам пра Таццяну і Аляксея Беразінскіх. Пасля прысуду мужу жыццё Таццяны праходзіць у рэжыме “ад званка да званка“: раз на тыдзень ён звоніць з калоніі па вайберы. У сям'і ёсць 8 хвілін — нагледзецца адно на аднаго і сказаць самае галоўнае.
