Пашкевіч: незалежнасць, свабода, справядлівасць наша нацыянальная ідэя сёння

29 ліпеня ў эфіры Еўрарадыё — шэф-рэдактар часопіса Arche, кандыдат гістарычных навук, даследчык беларускага нацыянальнага руху першай паловы ХХ стагоддзя Алесь Пашкевіч. У адрозненне ад паўстання Кастуся Каліноўскага, якое не было падтрыманае “шырокімі масамі” і засталося амаль выключна паўстаннем эліты, пратэст 2020 года стаў сапраўды народным. Беларусы прадэманстравалі імкненне да незалежнай, свабоднай і справядлівай дзяржавы, перакананы Алесь Пашкевіч. Пра тое, ці здольныя беларусы нарэшце пабудаваць сваю не толькі незалежную, але і свабодную, справядлівую і нацыянальна арыентаваную дзяржаву, мы і разважаем у праграме “Ідэя Х” з Алесем Пашкевічам.