Guest
Расіянка Аліна Суслава некалькі гадоў кіравала спецпраектамі фонда “Сколкава“, была адной з асноўных арганізатарак вялікай і цікавай канферэнцыі Startup Village. Але аднойчы Аліна апынулася ў Крамянёвай даліне, трапіла ў Founders Institute і засталася ў ЗША працаваць над уласным адукацыйным стартапам Skoola. У “Стартапніцы” Аліна распавядзе пра структуру вучобы ў “даліне”: майлстоун, трэкінг праекта, працу з ментарамі. Таксама мы абмяркуем, як і чаму падчас акселерацыі давялося некалькі разоў змяняць фокус Skoola, наколькі гэта было цяжка. А яшчэ пагаворым пра ўражанні ад канферэнцыі EMERGE, дзе Аліна была спікерам. Пачатак размовы ў 14:05 пасля выпуска навінаў. Дапамагаць нам будзе рэдактарка Юлія Няхай.
