Хартыгай- Исполнение на чадагане Заслуженный артист Республики Тыва Начын Чооду

Хөлдер, хемнер кежерде суг ээлеринге чалбарыгны бистиң өгбелеривис хартыгайлаар дээр турган. Ооң кол утказы болза хем, хөл ээлеринге чалбарып, оларны килеңневезин дээш хартыгайлаар. Хартыгайны ырлап күүседир: Хартыгай, хартыгай, эй! Хартыгай, хартыгай, эй! Хартыгай, хартыгай, эй! Хартыгай, хартыгай, эй! Хартыгайлаары дээрге сугну кежип турар кижи сугнуң ээзиниң ачызында сугну кандыг-даа шаптараазын чокка хартыга куш дег эрте бээри болуп турар. Аржаан суглуг, эм-домнуг хөлдер, хемнеривиске дыштанып келгеш, ада-өгбелеривистиң чагыгларын күүседип, келир үениң салгалдарынга ыдык сагылгаларны дамчыдып берип, төрээн черивиске, чурттувуска, хайыралыг, камныг болуулуңар! Барган-на черивисти амгы үениң богундан арыглап-аштап, сагыш-сеткиливис арыг-силиг чоруурлуңар!