Guest
Рысбай Исаков 124 саат манас айтып, Гиннесстин дүйнөлүк рекорддор китебине кирди. Ал манас айтып жаткан күндөрү интернетке айрым үзүндүлөрү тарап, талкууга түшкөн болчу. Манас айтуучулук боюнча Гиннесстин рекорддор китебине кирген Рысбай Исаков өлкөгө келди. Манасчыны жакындары, маданият чөйрөсүнүн өкүлдөрү салтанат менен тосуп алышты. Исаков Түркиянын Бурса шаарында өткөн “Манас жумалыгынын“ алкагында 124 саат манас айткан. Ал учурда интернетке Исаковдун манас айтуудагы айрым үзүндүлөрү тарап, коомчулукта кызуу талкуу жараткан. “Видеолор тарап кеткенин “Манас жумалыгы“ аяктагандан кийин 30-сентябрда билдим. Эсиме келгенче ушул болду... Эми бул нерсенин баары өтүп кетет, бирок биздин эмгектер калат. Мени сындап жаткандар Манаска күйсө үйүнө бир жолу манасчы чакырып угуп койсун, аларга ушундай эле жообум бар“, — деди Исаков.
