Бишкекте экологиялык абалга байкоо салган автолаборатория иштей баштады.

Бишкекте экологиялык кырдаалды жана транспорт каражаттарынын техникалык абалын мониторинг кылууга ылайыкталган көчмө лабораторияны көрсөтүштү. Автолабораторияны Кыргыз-орус славян университетинин табигый-техникалык факультетинде жасап чыгышкан. Ал илимий-изилдөө жана лабораториялык иштерди жүргүзүүгө, тапшырмаларды комплекстүү түрдө чечүүгө багытталган. Анын жардамы менен экологдор маршруткалардан, автобустардан чыккан уулуу газды текшерип, көз карандысыз экспертиза жүргүзүүгө болот.