Guest
#думрф #татарлар #ислам Тверь шәһәрендә фәнни-мәгариф төбәкара конференция үтте Ул Исламны кабул итүнең 1100 еллыгына багышланды Конференция алдыннан гаять бай эчтәлектәге күргәзмә оештырылды. Ул Алышевлар гаиләсе истәлегенә, аларның туган ягы – Касыйм шәһәре янындагы Җәүбаш (Болотцы) авылына багышланган иде. Тверь шәһәрендәге Җәмигъ мәчет Фатыйх Алышев акчасына төзелгән, 1906 елда ачылган һәм хәзер дә эшли. Күргәзмәдә «Мәдинә», «Читай» нәшрият йортлары китаплары тәкъдим ителде. Мөселманнар белән бәйле тарихи фактларны тасвирлаган картиналар күрсәтелде. Алар Мәскәү нәзарәте һәм Казан Дәүләт мәдәният институтының уртак проекты нигезендә тудырылган. Төбәкара конференциядә Россиядә Ислам диненең тарихы һәм хәзерге үсеше сораулары яктыртылды. ЛАЙФ РФ мөселманнары Диния нәзарәте рәисе, мөфти шәех Равил Гайнетдин конференциядә катнашучыларга һәм кунакларга сәламен юллады. Аны нәзарәтнең фән һәм мәгариф департаменты җитәкчесе Илгизәр Дәүләтшин җиткерде. ЛАЙФ РФ мөселманнары Диния нәзарәтенең Рәхмәт хатлары белән Тверь мөселманнары тормышының әйдәманнары бүләкләнде. Бүләкләр Исламның 1100 еллыгы хөрмәтенә, рухи-әхлакый кыйммәтләрне саклауга һәм үстерүгә юнәлдерелгән проектларны тормышка ашыруда зур өлеш керткән өчен бирелде. Тверь мөселманнары Диния нәзарәте рәисе Таир Сәйфетдинов Җәмигъ мәчете мәхәлләсен 2010 нчы елдан җитәкли. Төбәк тарихы белгече Фәрит Батыргәрәев җирле нәзарәтнең аппарат эшен алып бара. Марс Ибрагимов - Тверь өлкәсе татарлары мөхтәрияте рәисе. Рәхмәт хатларын Мәскәү нәзарәтенең эчке эшләр департаменты җитәкчесе Наил Шакиров тапшырды. Конференциядә Донецк өлкәсеннән килгән кардәшләребез дә катнашты. Без социаль челтәрләрдә: telegram - [id761147405|@DUMRF_TAT] вконтакте - , #мөселманнар #татарлар #мәчет #мечеть #җәмигъмәчет #соборнаямечеть #равилгайнетдин #мөфтигайнетдин #тверь #исламвтвери #фатихалышев #алышевы #фатыйхалышев #җәүбаш #жаубаш #болотцы #касыймтатарлары #касимовскиетатары #нижгартатарлары #нижегородскиетатары #татартарихы #историятатар #медина #мәдинә #донецк #макеевка #кгик #1100летие #1100 #1100еллык #1100летисламобъединяет #дога #милләт #иман
