Guest
Хатыҥ Арыы нэһилиэгин КСК-гар тэриллибит ПВР-га ыам ыйын 17 күнүттэн бүгүҥҥү туругунан 23 киһи эвакуацияланан кэлэн олорор, о.и. техникум 3 устудьуона. Онтон 7 киһи хонон баран аймахтарынан, сорохтор Намҥа, Дьокуускай куоракка тарҕаспыттар. Манна Граф Биэрэгиттэн, Хатыҥ Арыы нэһилиэгин намыһах сирдэриттэн бааллар. Кинилэр күнүс И.Е. Винокуров аатынан Хатыҥ Арыы орто оскуолатын остолобуойугар итии аһылыгынан уонна миэстэтигэр олохтоох дьаһалта биэрбит сухой паегунан, иһэр уунан хааччыллаллар. ПВР-га Намнааҕы техникум үлэһиттэрэ вахтанан солбуйсан үлэлииллэр. Ол туһунан Октябрина Сивцева иһитиннэрэр. Нэһилиэк врачебнай амбулаториятын фельдшерэ Уйгун Белянков күҥҥэ иккитэ: сарсыарда, киэһэ инбэлииттэри уонна көрдөрүөн баҕалаахтары туруктарын бэрэбиэркэлиир, билигин 6 киһини көрдө. Граф Биэрэгин олохтоохторо Иван, Александр Чумаевскайдар ПВР-га бэҕэһээ киэһэ 22ч.30м. киирбиттэр. Иван Иванович быыһыыр сулууспа сотрудниктара хайдах быһаабыттарын туһунан санаатын үллэстэр (видео). Олук... Source: Газета “Энсиэли“. Намский улус
