Guest
«Сайлымашкат коштына, муралтенат колтена!» Илалше ковай-влакат сайлымаш деч ӧрдыжеш огыт код. Меҥалче Асылгареевна Ислибаева (Киебак ял) ден Идусия Шайхуллиновна Шаймарданова (Павасола ял) сайлымаш деч вара вашлиймашым эртареныт. Нуно коктынат Васола ялеш шочын-кушшо улыт. Киебак ялыште Олег ден Дина Кусекеевмыт 90 ияш Меҥалче акашт ден 82 ияш Меҥай чӱчӱньыштым сайлымашке шке коштын толмышт дене пеш шокшын саламлышт да, ӱстел коклаште пырля чайым йӱын, мотор муро-влакым муралтен шинчышт. С.ИБРАШЕВА. Калтаса район.
