Guest
Мобилизация кезінде барлық сала қатаң режимге көшеді. Ал бұл – әр жылдары өтіп тұратын жоспарлы іс-шара. Бұл туралы еліміздің қорғаныс министрі Нұрлан Ермекбаев айтты. Әр облыс басшысы әскери басқару органымен бірлесіп, шақыртуды ұйымдастырады. Шақырту туралы жарлық шыққан бойда өз еркімен сапқа тұрғысы келетіндерден өтініш көбейген. Әсіресе, жастар жағы «қандай көмек керек?» деп құлшынып тұр дейді министр. Бұл қуантады. Қиын кезеңде білегін сыбанып, еңбекке дайын тұрғандар шүкір, бар екен. Жиынға шақыртылғандардың жұмыс орны сақталады. Жалақысын уақтылы алады. Ал егер жұмыссыз болса, ең төменгі айлық яғни, 42 500 теңге төленеді. Әскери міндеттілерді арнайы жиынға шақыртуға қатысты қосымша сауалдарыңыз болса ҚР Қорғаныс министрлігінің 8 (7172) 72-15-11 call-орталығына хабарласа аласыз.
