Guest
Воля Чайкоўская, дырэктарка «Паўночнага ззяння»: ⠀ «Прывітанне, сябры! Наша каманда прыняла няпростае рашэнне ўсё-такі правесці кінафестываль у гэты турбулентны для Беларусі час. Мы самі перажылі немаленькі чэландж: у красавіку мы мусілі адмяніць фестываль праз эпідэміялагічную сітуацыю з вірусам COVID-19. Потым мы прызначылі новыя даты на канец верасня і пачалі распрацоўваць усё наноў для online-фармату. Аднак з-за блакады інтэрнэту мы былі зноў вымушаныя ссунуць даты. Цяпер нашы новыя даты – 22-29 кастрычніка. ⠀ Мы спадзяёмся, што кінафестываль стане для вас натхненнем. Як і заўжды, сёлета фільмы і мерапрыемствы «Паўночнага ззяння» зрэзануюць з людзьмі актыўнымі і неабыякавымі. Вялікі плюс online-фармату ў тым, што цяпер «Паўночнае ззянне» даступнае не толькі ў Менску, але і па ўсёй Беларусі. Таму што мы – разам!» ⠀ Набыць квіткі і даведацца больш падрабязна пра праграму ўжо можна на нашым сайце . Ззя!
