У Торъялыште Творцы и хранители еш да родо-тукым ансамбль-влакын фестивальышт 23 августышто лиеш

Еш да родо-тукым ансамбль-влак угыч У Торъялыш чумыргат. «Творцы и хранители» еш да родо-тукым ансамбль-влакын регион-влак кокласе фестивальышт тений 8-ше гана эрта. Молгунамсе семынак конкурс выступлений деч посна фестивальын участникше-влак «Тукымвож», калык кочкыш да кидмастр-влакын паша ончерышкышт ушнен кертыт.