Guest
Bertsolaritzaren ondarea bildu, antolatu eta gizarteratzen du Xenpelarrek. Borondatezko biltzaileei esker, bertsoak, biografiak, kartelak… denetariko dokumentazioa daukagu! “Bizitza arrasto txikienak sortzen du mugimendua, eta, mugimenduak bidea egiten duenean, pilatzen doaz esperientzia eta ezagutza. Egungoa jasotzea da ezagutzaren memoria idazteko lehen pausoa“. Jarraitu irakurtzen atarian. [2020ko udaberria] Bertsozale Elkartea bertsolaritza geroratzeko sortutako gizarte mugimendua da. 1987. urtean sortu zen, eta, bertsolaritzaz arduratzen diren bestelako eragile guztiekin batera, bertsolaritza zaintzea, sustatzea, ikertzea eta haren transmisioa eta etorkizuna bermatzea da beraren egitekoa. Irabazi asmorik gabeko erakundea da, eta kontuan hartzen ditu tokian tokiko hizkuntzak eta gizartearen egoerak eta premiak.
