Оптуобуска босхо айанныыр тырааныспар каартатын туттулар

Оптуобуска босхо айанныыр тырааныспар каартатын туттулар ‍ ‍ ‍ Арассыыйаҕа Дьиэ кэргэн, Өрөспүүбүлүкэҕэ Оҕо саас сылларын чэрчитинэн СӨ Ил Дархана Айсен Николаев элбэх оҕолоох дьиэ кэргэннэри эбии социальнай өйүүр туһунан ыйааҕар олоҕуран, «Алмазэргиэнбанк» АУо оскуола үөрэнээччилэригэр оптуобуска босхо айанныылларыгар тырааныспар каартатын таһаарда. ️ ️ Майа сэлиэнньэтигэр Ф.Г.Охлопков, В.П.Ларионов аатынан орто оскуолаларга, И.Г.Тимофеев аатынан лиссиэйгэ элбэх оҕолоох дьиэ кэргэннэр үөрэнээччилэригэр «Алмазэргиэнбанк» АКБ АУо Майатааҕы эбии офиһын салайааччыта Анна Михайлова уонна улуустаҕы үөрэх управлениетын начаалынньыгын солбуйааччы Михаил Петров уопсайа 608 тырааныспар каартатын туттардылар. Каартанан оҕолоро Майа иһинэн сылдьар оптуобустарга ыйга 96-та босхо айанныыр буоллулар. Салгыы Аллараа Бэстээх оскуолаларын үөрэнээччилэригэр 172 каарта туттарыллыаҕа. Source: ГАЗЕТА “ЭРКЭЭЙИ“ Мегино-Кангаласского улуса