Guest
28 il sonra Cəbrayıla ilk qatar yola düşüb? | Baku TV | Sosial şəbəkələrdə Cəbrayıla 28 ildən sonra ilk dəfə qatarın getməsi ilə bağlı görüntülər yayılıb. Görüntülərin rayonun Mehdili kəndi ərazisində çəkildiyi, bu istiqamətdə yük qatarlarının fəaliyyətə başladığı iddia olunur. Yayılan görüntülərlə bağlı “Azərbaycan Dəmir Yolları” QSC-dən bildirilib ki, bu istiqamətdə qatarlar hazırda Horadiz stansiyasına qədər hərəkət edir. Video Horadiz-Ağbənd dəmir yolunun tikintisi və layihələndirilməsi işləri ilə əlaqədar iş prosesi zamanı qeydə alınıb. Görüntüdəki qatar təsərrüfat qatarıdır. Xatırladaq ki, fevralın 14-də Prezident İlham Əliyev Horadiz-Zəngilan-Ağbənd dəmir yolunun təməlini qoyub. Bu dəmir yolunun işə düşməsindən sonra Naxçıvan Azərbaycanın qərb bölgəsinə dəmir yolu xətti ilə birləşəcək. *************** Baku TV 2018-ci ilin fevral ayında xəbər kanalı kimi fəaliyyətə başlayıb. Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya
