Guest
Мәдениет - адамзат әлемінің айнасы, тәрбиенің көрсеткіші. Әлемнің екінші ұстазы Әл-Фараби айтқандай, тәрбиесіз берілген білім- адамзаттың қас жауы, адамға білімнен бұрын тәрбие беру керек деген. ХХ ғасырдың басында отаршыл билік қазақ халқының мүдделері мен құқықтарын елемей, оның рухани дамуын тежеуге тырысты, қазақ балаларының оқу-білімге келмей-ақ мәңгүрттенуіне, ана тілімізді айтпағанда, мол тарихи-әдеби мұрамыз бола тұра, дамымай құрдымға кетуіне қауіп төнген шақта халық ағарту ісіне Темірбек Қараұлы Жүргенов келіп, өзі елді аралай жүріп көзімен көріп, халық қажетін құлағымен естіп, МЕКТЕПТЕР салдырады. Мектеппен бірге ҚАЗАҚ баласының көкірегі оянады! Темірбек салдырған мектептің бірі, көзіміздің қарашығындай болған алғашқы мектеп - Әйтеке би ауданы Жабасақ ауылында да бар. Аудан тарихын айтпағанда, бір Жабасақтан қаншама ғалым, академиктер, тұлғалар шықты! Бұл біздің ТАРИХ! Жастарымыздың қастерлейтін тарихы! Темірбек Жүргеновтен қалған біліміміздің бастауын, бабамызды біз ұлықтамасақ, кім ұлықтамақ!?
