Ташто Велесэ (текст) - Нина Черных

Слова: народные Ташто велесэ, веленть пенесэ, Кажов семияс тозонь чачинь. Раужо кшисэ, пурназь сускомсо, Тетям-авам истя монь тримизь. Топодсть вейксэтне, топодсть кементне, Весемезэ иень монь ульнесть. Сюпав боярнэнь, кежей кисканень Эйдень ванмо тетям максымим. А питне ладясь, а ярмак редясь, Пекень кисэ монь тов ладимим Колмо эйкакштнэнь, потмо кольневкстнэнь Чинек-венек эйсэст мон ванынь. Ламо чавома, ламо сёвнома Эйкакшпингстэ сестэ мон кирдинь. Ташто велесэ, веленть пенесэ, Кажов семияс тозонь чачинь. Раужо кшисэ, пурназь сускомсо, Тетям-авам истя монь тримизь.