Кады тудаал

Удур менче көрген карааң Угулза дег чаражын аан. Уруг сеңээ сеткилимден, Уярадыр ырлап берейн. Хүлүмзүрген чараш арның, Хүннээректээн чаптанчыын аан. Хүннү бадыр уруг сеңээ, Сеткилимден ырлап берейн. Ыяткаштың өскээр көрбе. Ынакшылың, душтууң бар бе? Ынчап дыка манавайын, Ынакшылым ажыдайын. Алды хылдыг гитарага, Аян тудар бөдүүн оол мен. Ынакшылым хүлээр сен бе? Ынча дыка манатпайн көр. Ийе, чок деп харыыларның, Ийе дээрин манап ор мен. Илеткелдиг ынакшылды, Ийи бистер кады тудаал!