Guest
Расо 80 сол пеш муҳосираи Ленинград - яке аз даҳшатноктарин марҳилаҳои Ҷанги Бузурги Ватанӣ ба охир расид. Тоҷикистони он замон шӯравӣ баробари дигар ҷамоҳир ба ҷабҳа баробари сарбозон инчунин ғизо, либос, доруворӣ ва дигар лавозоимот фиристода, барои ғалаба дар майдони ҷанг саҳми калон гузошт. Барои озодии Ленинград ҳамватанони мо фидокорона мубориза бурда, бисёре ҷон нисор карданд. Хонандагон ва муаллимони мактаби русӣ-тоҷикии ба номи Чехов дар Хуҷанд бахшида ба корнамоии сарбозону меҳнаткашони шӯравӣ консерт пешниҳод карданд. Таъкид шуд, ки Тоҷикистон корнамоиҳоро фаромӯш накардаасту ифтихор дорад.
