Guest
муз.: Булат Газданов, сл.: Ахсар Чеджемов Солистки: Лейла Плиева и Виолетта Алборова Дирижёр-хормейстер: Анисим Джатиев Фрагмент киносъёмки концерта 1989 г. Дæ-дæ-дæй, Дыдта, дысоны æхсæв Цы фынтæ федтон, гъей. Цыма мæм усгур, цыма мæм усгур Сау бæхыл тахти, гъей. Мæ чызгæмбæлттæ нæ кæрты дуармæ Уæд хъазт сарæзтой, гъей. Уым кафыны рад, уым кафыны рад Мæнмæ æрхауди, гъей. Æнæрай фæуа, цы барæг уыди, Цы усгур разынд, гъей. Куы нæ йæ зонын, йæ хъал бæхыл мæ Кæдæм ыскъæфта, гъей. Дæ-дæ-дæй, Дыдта, дæ хъæбысы мын Мæ сæр æрбакæн, гъей. Æнхъæлдæн æмæ, æнхъæлдæн æмæ Балцы цæудзынæн, гъей. Мæ чызгæмбæлттæ, хæстæгдæр-ма мæм, Курын, æрбадут, гъей. Æз царды цинæй, æз царды цинæй Куы нæ бафсæстæн, гъей. Гъе ныр цалынмæ, гъе ныр цалынмæ Мæ уд не схаута, гъей, Уæдмæ мын цæгъдут, уæдмæ мын цæгъдут Ирон фæндырæй, гъей. [club74034206|ГАПиТ РЮО «Симд» им. Б. А. Галаева]
