Хор Сретенского монастыря. Величит душа моя Господа

Богородицу и Матерь Света в песнех возвеличим! Матерь Света – как родившую Свет человеков. Песнь Богородицы (см.: Лк.1, 46–55) 1. Величит душа Моя Господа, и возрадовася дух Мой о Бозе Спасе Моем. Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. 2. Яко призре на смирение рабы Своея, се бо отныне ублажат Мя вси роди. Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. 3. Яко сотвори Мне величие Сильный, и свято имя Его, и милость Его в роди родов боящимся Его. Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. 4. Сотвори державу мышцею Своею, расточи гордые мыслию сердца их. Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. 5. Низложи сильные со престол, и вознесе смиренныя, алчущия исполни благ, и богатящияся отпусти тщи. Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. 6. Восприят Израиля, отрока Своего, помянути милости, якоже глагола ко отцем нашим, Аврааму и семени его, даже до века. Припев: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.