Guest
Æз фæразын царды цæфтæ, æз мæлæтыл хъæрæй худын. Никуы æвдисын тас æзнæгтæн, хæсты фæстæ рыстæй дудын. Тугы æртæхтæ зæххмæ хауынц, удгасæй зындоны судзын. Хъысмæт халы царды фæндтæ, зонджытыл уæларвмæ кувын. Мæлæт мæ йæхимæ хоны, зæрдæйы... æрцардис æнкъард. Рыстæй риуы зæрдæ тоны, æвзæр фынау кæсы мæм цард. Æвзонг буарæй уд нæ комы, фæссонты ис хъама сагъд. Ма дæ уырнæт макæй сомы, кæннад æфсымæр уыдзæ мард. Гадздза рæстæг зæххмæ рцыдис, зæрдæтæм та хæлæг бырсы. Раздæр ахæм цард нæ уыдис, рагон цард та лæг фæмысы. Дзуары цырагъ ссыгъдис, табæты йæ буар схуыссы. Уымæн, кæмæн рæстæг рцыдис, ахæм цардæй лæг æстыхсы. Алцы дæр фæбарынц хцайæ, рохуаты лæгдзинад ис. Цæссыгтæ фæлидзынц рустыл, зæрдæ хъæр кæны фæдис. Сафынц адæм кад мæ намыс, ма рох кæн ныхас æфсис. Мæсгуытæ нæ кухтæй халæм, Ирыстон зындоны ис. Базард: Цард тыхлæгы никуы уарзта, нæй уæлдай мæгуыр-хъæзныг Баззайы æрмæст дæр ном, æхца, хæзна, фесты фæнык Чъизи къухтæ æмæ уд, никуы рыхсдзæнис цæссыг Цард цыбыр у æфсымæр, дæ кæстæртæн ныууадз мæсыг
