Guest
Атырау облысы және облыс орталығындағы орта білім беру мекемелерінің оқушылары үшін ақылы және ақысыз түрде ұйымдастырылған Жазғы мектеп жобасы салтанатты түрде аяқталды. Екі аптаға созылған лагерь типіндегі Жазғы мектепте балалар «Инженерия», «Биотехнология және биоинженерия», «Сабын өндірісі және оның дизайны», «Топырақ және оның ерекшеліктері» тақырыбында білім алды. Шараның аяқталу рәсіміне оқушылар және олардың ата-аналары қатысып, қызыққа толы жазғы демалысты ұйымдастырушыларға ризашылықтарын жеткізді. Оқушылар меңгерген білімдерін іс жүзінде көрсету мақсатында түрлі бұйымдарын жәрмеңкеде көрсетті. Жазғы мектепке қатысқан барлық оқушы арнайы сертификаттармен марапатталып, қоштасу сағатында өз өнерлерін көрсетті.
