Guest
Бүгүн хәлқимизниң хушнава булбули, атақлиқ нахшичи, «Нава» фольклор ансамблиниң солисти, Қазақстанниң хизмәт көрсәткән әрбаби Нуралим Варисов 60 яшлиқ баһарини қарши еливатиду. Қуддус Ғоҗамияров намидики җумһурийәтлик дөләт академиялик Уйғур театрида чарәк әсирдин бери хизмәт қилип, өзигә хас йүксәк таланти билән тамашибинлиримизниң зор алқишиға сазавәр болуп келиватқан миллий сәнъитимизниң юлтузи Нуралим Варисов билән болған сөһбитимизни диққитиңларға һавалә қилимиз.
