Кіраўнік дэпартамента па адносінах з краінамі Цэнтральнай і Усходняй Еўропы ЕВС Радка Бетчава наведала Дом радыё. Госця пазнаёмілася з асаблівасцямі вяшчання Першага нацыянальнага канала Беларускага радыё, радыёстанцый «Беларусь», «Культура» і «Сталіца», зацікавілася ўмовамі работы супрацоўнікаў розных рэдакцый і аддзелаў, творчых калектываў. Еўрапейскі Вяшчальны Саюз – буйнейшы альянс вяшчальных арганізацый у свеце, у які ўваходзяць кампаніі з 56 краін, а Белтэлерадыёкампанія з’яўляецца адзіным прадстаўніком у арганізацыі ад нашай краіны. Падчас візіту Радка Бетчава паўдзельнічала ў працоўнай сустрэчы з кіраўнікамі падраздзяленняў Дома радыё і дала інтэрв’ю Радыё «Беларусь». #еўрапейскі #вяшчальны #саюз #радка #бетчава #супрацоўніцтва #белтэлерадыёкампанія
Hide player controls
Hide resume playing