Guest
Канон святому мученику Агафонику Никомидийскому Припев: Святы́й му́чениче Агафони́че, моли́ Бо́га о на́с. Память: 04 сентября (22 августа ст. ст.) Глас 1. __ Мученику Агафонику и иже с ним Тропарь, глас 4: Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша. Кондак, глас 1: Зва́ние благо́е стяжа́в, Богому́дре,/ муже́й лука́вых отврати́лся еси́ ве́ры,/ не убоя́вся мук, Агафони́че сла́вне,/ те́мже благи́м был еси́ насле́дник/ и прия́л еси́ со стра́ждущими с тобо́ю// досто́йныя венцы́. Величание Велича́ем тя,/ страстоте́рпче святы́й Агафони́че,/ и чтим честна́я страда́ния твоя́,/ я́же за Христа́// претерпе́л еси́.
