Guest
Бурятия өрөспүүбүлүкэтин баһылыга Алексей Цыденов Саха сиригэр улахан суолталаах бэлиэ түгэнинэн эҕэрдэлээтэ. Үгүс норуот түмсэн олорор, баайдаах-дуоллаах, күүстээх санаалаах дьонноох-сэргэлээх өрөспүүбүлүкэ эрэллээхтик иннин диэки сайдыы суолунан үктэнэн иһэрин бэлиэтээтэ. Саха сирэ уратытын, Аан дойдуга саамай киэҥ сиргэ тайаан сытарын сөҕө-махтайа эттэ. Ыччат кэскили түстүүрүн, сайдыыга сирдиирин тоһоҕолоото. Ситиһиини, табыллыыны баҕарда.
