Guest
Жамбыл облысында оқ-дәрі қоймасындағы жарылыстан ауыр жарақат алып, бір аптадан бері Тараздағы аурухананың жансақтау бөлімінде жатқан әскери қызметкердің беті әлі бері қараған жоқ. Туыстары Ерлан Қырғызәлиевтің өміріне алаңдаулы, ал дәрігерлер болса науқастың жағдайы жақсаруы үшін біршама уақыт керек деп отыр. Себебі, оның денесінің 85 пайызын күйік шалған. Тіпті, дем алуының өзі қиын, ол өкпені жасанды желдету аппаратының көмегімен тыныстап жатыр екен. Ерлан Қырғызәлиев апат болған әскери бөлімде бөлім бастығы болып қызмет етеді. Медицина мамандары оның жағдайын күн-түн бақылауда ұстап отырмыз дейді. Нұр-Сұлтан қаласынан дәрігерлер шақыртылып, консультациялық көмек көрсетіпті. Сондай-ақ, телемедицина әдісі бойынша басқа да білікті мамандардан ақыл-кеңес алынған. Аурухана басшылығының сөзінше, науқасты санитарлық авиация арқылы өзге емдеу орталығына алып бару мүмкін емес, өйткені, оны дәл қазір қозғалтуға болмайды екен. Все новости Первого канала “Евразия“ теперь и в Telegram:
