У дзень закаханых 14 лютага 2016

14 лютага Дзяржаўны камерны аркестр Рэспублікі Беларусь запрашае прыхільнікаў камернай музыкі ў Вялікую канцэртную залу Белдзяржфілармоніі наведаць заключны канцэрт цыкла “Тры вечары з камерным аркестрам“ пад назвай “Паўночнае ззянне“ . У канцэрце бяруць удзел лаўрэаты міжнародных конкурсаў Марк Бушкоў (Бельгія) і Аляксандр Акімаў (Расія). Марк Бушкоў — грамадзянін Бельгіі і падданы бельгійскага караля Філіпа, нарадзіўся ў Монпелье, жыве ў Франкфурце-на-Майне. Скрыпач у 17 гадоў выйграў І прэмію на Міжнародным конкурсе імя Генры Коха ў Льеже. У 2010 годзе заваяваў І прэмію на конкурсе “Маладыя канцэртуючыя артысты“ ў Ляйпцыгу. У 2011г. музыкант выйграў грант “Ebel-Prize“. Адна з важкіх перамог Марка Бушкова — Гран-пры на Міжнародным конкурсе ў Монрэале. У 2012 годзе Марк Бушкоў стаў лаўрэатам Конкурса імя каралевы Елізаветы ў Брусэлі, які з'яўляецца аднім з самых старэйшых і прэстыжных спаборніцтваў музычнай Еўропы . У 2013 годзе адбыўся расійскі дэбют скрыпача на сцэне Канцэртнага зала імя П.І.Чайкоўска