Guest
Республикабызның көньяк көнбатышында Ульяновск өлкәсе, Чувашстан республикасы белән ызандаш Чүпрәле районында елга, күлләрне, чишмәләрне чистарту, аларны төзекләндерү буенча планлы эш алып барыла. Республика программаларына кереп, грантлар язып район авылларында парклар булдырыла, балалар мәйданчыклары ясала. Шушы көннәрдә генә районның Иске Кәкерле авылында да еллар буе сазлык булып яткан урынында мул сулы күл һәм аның янында яңа парк барлыкка килде. Шул ук көнне авыл җирлегенең яңа бинасы да файдалануга тапшырылды. Боырнгы Иске Кәкерле авылының яңару адымнары хакында хәбәрчебез Рамис Сафин репортажында.
