Guest
Бүгін 30 маусым «Қазақстан» телерадиокорпорациясының құрамындағы «Abai TV» мәдени-ағарту телеарнасының ашылғанына 1 жыл толды. Арна мәдени-танымдық хабарлар, мәдени-ағарту бағытындағы деректі және көркем фильмдер, театр қойылымдары, дәстүрлі және классикалық музыка жанрлары бойынша хабарлар қорын ұсынады. Тәуліктік эфир ұзақтығы - 17 сағат. Бір жылда ұлттық құндылықтарымызды насихаттайтын, мәдени, рухани-танымдық бағытта 2160 эпизодтан тұратын 82 хабар әзірленді. «Алтын қордың» 50-ден астам үздік туындысын қайта өңдеп, эфирге ұсынды. Әлемдік танымалдылыққа ие болған концерттік бағдарламаларды, шетелдік деректі фильмдер мен үздік көркем фильмдерді қазақ тілінде сөйлетті. Телеарна «Otau TV» ұлттық спутниктік операторы, «Alma TV», «ID TV» кабельдік желілері арқылы және ресми сайты арқылы онлайн таралады.
