Guest
Быел Ульяновск өлкәсе татар теле һәм әдәбияты укытучыларының традицион август киңәшмәсе “Татар гаиләсендә милли гореф-гадәтләрне һәм гаилә кыйммәтләрен саклау” дигән исем астында узды. Исеменнән үк күренгәнчә, анда сүз гаиләдәге милли тәрбия, онытыла башлаган йолаларны яңарту, аларны балаларга өйрәтү, милли һәм дини бәйрәмнәрне уздыру тәҗрибәсе хакында барды. Безнең бу төбәктәге үз хәбәрчебез Рамис Сафин ана теле укытучыларының зур җыенында яңгыраган фикер-тәкъдимнәрне тыңлап, андагы кызыклы күргәзмәләрне күреп кайтты.
