Guest
Һүҙ райондың Имәнлеҡул, Үрнәк, Уйбулат һәм Рапат ауылдарында малсылыҡ комплекстары, иген киптереү цехы төҙөү, шулай уҡ тоҡомло мал һәм технологик ҡорамалдар һатып алыу тураһында бара. Аграрийҙар, 200 миллион һум аҡса һалып,объекттарҙың бер өлөшөн төҙөүгә тотонған да инде. Яңы ауыл хужалығы проекттары республика башлығы ҡатнашлығында үткән «Инвестиция сәғәте»ндә тикшерелде. Проектҡа мал һәм ҡорамалдар алыуҙа ярҙам күрһәтеләсәк. Бынан тыш, Илеш районында һөт заводы яңыртыласаҡ. Хаҡы 130 миллион һумлыҡ проект яңы ҡорамалдар һәм әлеге линияны яңыртыу иҫәбенә һөт продукцияһы етештереүҙе 23,7 мең тоннаға еткереүҙе күҙаллай.
